****ఈ పసి శిశువులు, పశువుల కసి శిశువులు ****.నరరూప రాక్షసుల నరమేధం...
పసిప్రాణాలకి పిండ దానం ...
కనలేని కన్నతల్లి కడుపుకు బరువు వీళ్ళు ...
కానరాని కన్నోళ్ళ కఠిన చర్యల ఫలితం వీళ్ళు ....
దు:ఖాలయం అశాశ్వతం అని ముందే ఎరిగిన పసిజ్ఞానులు వీళ్ళు ...
పేగు భందాలకు నీళ్లోదులుతున్న ఈ లోకంలో అడుగిడలేని పుణ్యాత్ములు వీళ్ళు ....
ఆరని ఆక్రోశాలకు, వీడని వేధింపులకు , కోర్కెల సాధింపునకు ఫలితం వీళ్ళు ...
నేరవేరని ఆశయాలకు , కర్కశత్వపు కౌగిళ్ళకు , కొందరి దౌర్జన్యాలకు దారుణం వీళ్ళు......
అందుకే ఆశలు మొదలవక ముందే అసువులు బాసారు..
ప్రాణం పోసుకుంటూనే పాశవిక చర్యలకు బలులయ్యారు...
తల్లి గర్భకుహరానికే అలకరణలు వీళ్ళు ...
కానీ నేడు కుప్పతొట్లకే నిర్జీవ కళ అయ్యారు...
ఎందుకు అసలెదుంకు ఈ దారుణానికి ఒడిగట్టడం???
పసి తనువుల ప్రాణాలను తీయడం .. పసి మొగ్గల బతుకులు చిదమడం...???
చిన్ననాటి నుండీ
“అన్నదానం మహా దానం “రక్త దానం మహా దానం “విద్యాదానం మహా దానం “
ఇలా వింటూ పెరిగాం మనం
కానీ నేటి దుస్థితి , ఇంతటి అమానుష పరిస్థితి చూస్తుంటే
“గర్భాదానం మహా దానం “గర్భస్థ శిశువుల దానం మహా దానం “
అనిపింప చేసేలా సాగుతోంది ఈ వ్యవహారం..
పాశవిక , పైశాచిక దుర్మార్గపు అమానవీయ వ్యవహారం
ఆపలేరా??? ఈ దుశ్చర్యలను రూపుమాపలేరా???
పొట్టన బెట్టుకోవాల్సి౦ది పోయి(కడుపున పెట్టుకుని కాచుకోవాల్సింది పోయి ) పొట్టన బెట్టుకు౦టున్నారు
కనాల్సింది పోయి కడతేరుస్తున్నారు..
కనకుండానే కుప్ప తొట్టికంకిత౦ చేస్తున్నారు
ఆపలేరా??? ఈ దుశ్చర్యలను రూపుమాపలేరా???
పెంచే ఉద్దేశముంటేనే కనండి "ఈనాడు 31-dec-2012"
0 comments :
Post a Comment